5個小朋友唔肯瞓覺的原因？

你曾經以為，孩子大個咗，就自然會知道「攰就去瞓」呢個道理。

小朋友越嚟越大，要求越嚟越多。

明明攰但都仲係唔係瞓覺，或者一定要人陪住至肯瞓。

你只好跟同自己講this shall pass…

其實，呢場掙扎係絕對可以避免㗎！

但首先，你必須搵出囝囝囡囡唔肯瞓覺嘅原因：

5個小朋友唔肯瞓覺的原因

1. 小朋友希望得到你嘅注意

每日定落10-30分鐘，放低手機熄咗部電視，全心全意同囝囝囡囡相處。你唔駛設計親子活動，就算只係留喺屋企都得，畀囝囝囡囡話你知佢想點樣渡過呢個特別嘅時刻。當小朋友嘅情感渴望得到滿足，夜晚就更願意自己上床瞓覺啦！

2. 小朋友佔咗家庭嘅主導地位

唔好畀孩子控制你嘅情緒，無論發生乜嘢事，尤其係當囝囝囡囡喺度攪攪震時，你亦應該沉住氣，冷靜應付，甚至唔當係咩一回事。你必須定實囝囝囡囡能夠明白並遵守嘅規則，無論係平常教養，定係夜晚上瞓覺時 – 夠鐘就必須上床準備瞓覺，唔可以再喺屋企走嚟走去。當囝囝囡囡明白到你嘅堅持，就唔會再測試你嘅底線嘞！

3. 小朋友睡眠不足

很多香港嘅小朋友其實都有睡眠不足嘅問題，夜晚唔願瞓，朝早要上學所以要早起身。根據美國兒科醫學會 (AAP) 嘅建議，1-2歲小朋友每日要瞓12-13小時，就算去到3歲，每天最少都仲要瞓11-12小時。睡得唔夠，小朋友情緒波幅會較大，而且好可能因為攰得滯想瞓但瞓唔著，於是更加唔願意上床就寢，造成惡性循環...

4. 小朋友嘅睡眠需要未被重視

很多雙職父母只能喺夜晚放工返屋企後，至有時間陪吓囝囝囡囡，星期六日就可能會帶小朋友出街玩成日，好遲至返到屋企。結果，小朋友平日慣咗夜瞓，星期六日亦未能夠好好午睡，作息全無規律可言。其實，小朋友年紀仲細，而家係培養良好睡眠習慣，並畀佢有充足休息嘅時候，咁樣對小朋友嘅身心發展，甚至親子關係都有好處。

5. 家長喺小朋友行為問題時未能貫徹始終

當小朋友唔願意留喺床上，你必須搵方法解決呢個問題。在決定咗要點樣處理之後，就應該堅持執行，而且父母雙方嘅行動亦必須一致。就算你好攰好想作出讓步也好，都必須堅持下去！如果唔係，你畀小朋友嘅訊息就會變成「只要纏得夠久就能得逞」，那佢仲點會願意合作呢？

最後加多一點：

無論任何改變，都必須要執行一段時間，至能夠見到有改善。如果你想囝囝囡囡早啲瞓，唔係試一晚佢瞓唔到，就覺得唔work放棄㗎！夜間睡眠受生理時鐘所控制，慣咗夜瞓，慣咗瞓得少，喺調整時間表後都必須貫徹始終去執行一段時間，小朋友至會能夠早啲瞓，同瞓得耐啲㗎啦！

點樣可以得到小朋友嘅合作？歡迎下載《幼兒睡眠心理知多啲》

你知道，嬰兒睡眠同幼兒睡眠，有一個根本上嘅分別嗎？

當BB變成小朋友，心理因素影響之大，就算有穩定作息時間，同埋識得自行入睡，都一樣未必瞓得好...

瞓覺，係要放鬆嘅事。

日日都展開一場拉鋸戰，最終以怒吼 😡 對爆喊 😭，只會令小朋友對瞓覺呢件事越嚟越抗拒...

可以點解救？

點撃這裡