戒抱睡奶睡 的10個事前準備
Written by 睡眠顧問 Catherine
希望BB能夠瞓得好，能夠一覺瞓到天光，好多人第一時間就會諗到，要做睡眠訓練...
坊間相傳好多「 方法」 ，上網亦好容易搵到。
問題係，單單做睡眠訓練，唔單止唔能夠解決睡眠問題，甚至可能令成家人更迷茫，更痛苦…
因為，好多情況根本係未ready（包括大人同BB），勉強去做，只會吃力不討好。
睡眠訓練，其實係改變入睡方式嘅方法。
希望BB能夠順利入睡，唔係掉佢落床咁簡單㗎！
有啲乜嘢要預先做好？睇睇下面呢10點啦！
提高睡眠訓練成功率的10個事前準備
1. 準備一張嬰兒床
為避免BB碌落床，必須要有一張四邊圍住嘅BB床。BB已經識企嘅話亦要將床褥較到最低。記得床入面亦唔能夠有任軟身物品，或BB可能用嚟踩住擒出嚟嘅物品。
2. 安裝不透光窗簾
避免房外光線會抑制睡眠荷爾蒙嘅分泌，影響入睡。同時亦可以減低BB因為日出令睡房光線轉變而早醒。
3. 考慮使用白噪音
如果房外成日會有突如其來嘅聲音，影響BB入睡，用白噪音遮蓋住，能減少噪音對BB嘅影響。
4. 記低最少2個星期嘅睡眠及餵奶加固情況
穩定作息時間，確保BB日間小睡穩定，冇瞓得太多或太少，夜間睡眠至唔會受到影響。
5. 掌握好理想嘅就寢時間
如果BB未夠攰會唔肯瞓/瞓唔著，太攰又會因為壓力荷爾蒙影響而想瞓都瞓唔著，兩個情況都會增加入睡時嘅掙扎。
6. 就寢時間最好安排喺6至8pm之間（夜間睡眠要有10.5-12小時）
BB嘅天然生理時鐘都係偏早嘅，太夜瞓未能夠配合生理時間，甚至BB已經攰得滯，都會導致入睡困難嘅問題。如果雙職父母未能夠畀BB早啲瞓，咁就更加需要一個度身訂造嘅時間表，令BB日頭瞓多啲。
7. 制定一個幫到BB放鬆嘅睡前儀式
幫BB做好瞓覺嘅心理準備，令佢心情保持愉快輕鬆，甚至令佢鍾意瞓覺，咁佢就自然合好多啦！
8. 如果BB有用奶咀，要決定點處理
要決定戒，定係教BB自己執（一般喺7-8個月大時已經可以做到）。因為如果BB夜醒仍然要你幫佢塞奶咀，咁識得自行入睡都冇用。
9. 確保所有屋企人都同意，並且做好心理準備（包括你自己）
在「快速動眼期」(REM, Active Sleep) ，孩子可能會無意識地揮動四肢，這是大腦正在高速發展的跡象。所以，很多時孩子其實並未醒來，反而是在照顧者抱起哄睡時被弄醒。因此，當孩子半夜醒來，嘗試等5分鐘，看看孩子會否自己靜下來繼續睡覺。
10. 揀定合適嘅日子開始
保持一致係睡眠訓練要得到成功嘅重點，如果大人太攰，或第二日要返工，都會增加放棄嘅可能性。
歡迎下載《睡眠訓練，真的幫到我和孩子嗎？》
怕BB會大喊，唔忍心要由得佢自己喊住入睡？
其實，睡眠訓練並非一般人想像咁樣，必須要留低BB自己一個喺睡房！而且，亦有其他較為溫和嘅方式，可能更適合你同你BB！
呢本小冊子，會解答你以下問題：
- 係咪識得自行入睡，BB就會瞓得好?
- 點解睡眠訓練會失敗?
- 用邊種睡眠訓練方式好呢?
- 係咪一定要BB大喊，至會學識自行入睡?
- 點樣能夠減少掙扎，並提高成功率呢？
請輸入電郵地址，我哋會將安睡小冊子寄到你嘅電子郵箱。放心，你的個人資料絕對保密，我們唔會交畀第三方。
Hello，我係孖仔媽媽 Catherine
全港首位本地睡眠顧問 • RIE育兒法專業課程 及 PET父母效能訓練課程畢業生
作為全香港第一位本地嬰幼兒睡眠顧問，我一直致力推廣健康睡眠，並結合RIE育兒法的教養理念，協助香港父母及孩子能夠有覺好瞓，令親子關係更融洽。
資歷：
• Institute of Sensitive Sleep 認證睡眠顧問
• 專業睡眠顧問協會 (APSC) 專業會員
• 國際嬰幼兒睡眠顧問協會 (IACSC) 會員
• TeamStork「產後私人助理」團隊培訓導師
• 開設全港第一個嬰幼兒資訊專頁「Dolce Sleepers嬰幼兒睡眠資訊」
