好多謝Catherine, 完全感覺到佢好熱心推廣睡眠對小朋友嘅重要性。呢個係絕大部分香港媽媽忽略嘅問題！！！大家都會呻BB一晚醒幾次呀、瞓一瞓就醒呀、要氹佢好耐先瞓呀 等等等等。但好多人都無進一步了解點樣幫到個小朋友瞓好d，同時其實幫到自己，一齊有覺好瞓。 我小朋友6個月大嘅時候開始搵Catherine, 當時我因為bb瞓覺問題受到好大困擾，嚴重到先生以為我有產後抑鬱。當時小朋友有早醒、夜醒、午睡只瞓得30分鐘，以及唔識自然入睡嘅問題。Catherine了解左問題同我嘅期望之後，訂立適合我小朋友嘅時間表，教我點樣處理唔同嘅情況，例如佢唔瞓要點做，佢喊又點做等等。我跟住做，以上睡眠問題都得到唔同程度嘅改善😊 其實搵Catherine之前我有搵過另外一個consultant, 失敗收場。不過，我信係解決到嘅！好彩俾我見到Catherine嘅facebook page，睇左佢寫嘅資訊後，我覺得佢好有道理。從中我學到好多睡眠知識，有科學根據嘅，亦都了解到更多應該點樣同小朋友相處之道，因為Catherine行RIE育兒法，理念貫徹左喺佢sleep train 嘅個套方法度，倒如尊重、理解小朋友。我學到嘅唔係單純地令佢瞓覺就算🤓 由於有好多對睡眠嘅誤解或者未必知道其重要性，好多身邊嘅人唔明白自己嘅堅持。但唔緊要，各位媽媽共勉之😊 多謝Catherine 繼續分享睡眠及各方面育兒資訊！Support You!

今次真係好多謝Catherine嘅幫忙，令到我同老公终於都有覺好瞓，BB由出世到10 個月大的時候多數都是抱睡，間中係可以自己瞓，我哋諗唔緊要啦，抱得幾耐啊，大啲佢都未必會俾你抱啦，所以我哋一直用緊呢個方式都冇特別轉變！ 當BB 8個幾月開始識坐識企嘅時候，問題就開始嚟啦，每當瞓瞓下醒咗嘅時候就好自然立即企起身之後喊，唔識自己瞓番，一定要抱先才能再入睡，平均一晚醒幾次算係好平常，曾經高峰期試過一晚醒10次（即係起身抱佢10次），我同老公真係崩潰，煎熬左差唔多一個月，覺得唔係好對路，我哋就搵咗Catherine 幫手, 頭段時間都係跟佢時間表，基本上BB都配合到，開始正式睡眠訓練第一晚，竟然只係醒咗一次而且自己可以瞓返，其實第一晚已經有呢個效果我真係出乎意外，原先仲諗緊係咪要搞一個月🙈直到現在BB都是可以自行入睡的，基本上放上床15分鐘之內都已經瞓着覺了，真的很感恩遇到一個幫到手的睡眠顧問！ 唔單止我同老公瞓得好咗，連BB睡眠質素都提升左👍👍👍 #瞓覺真係好緊要 #全家人有覺好瞓仲緊要😄

阿囡本身係一個好醒瞓嘅寶寶，由出世到9個月都未試過一教瞓天光，有上網參考d 資料自己行-cry it out 攪唔掂，重攪到喊到嘔，自此就打定輸數打算BB大過就應該終有一日會可以一教瞓天光。 阿囡約3個幾月左右留意Catherine 個fb page，係阿囡4個月左右有搵過Catherine ，不過佢當時建議我等阿囡6個月先做，我果刻心諗有$都唔賺？！後尾Catherine解釋 BB 係6個月左右先建立好一個良好嘅睡眠週期同有足夠嘅自我安撫能力，所以就等阿囡6個月左右先至再搵Catherine。好喇，終於等到阿囡6個月喇，佢睡眠週期真係拉長左，由每晚醒6-7次變成約醒2-4次，做阿媽自我感覺良好，相信愈大愈好。夜醒係少左，但晚晚又哄又抱又行攪成2個鐘先肯再瞓，瞓左未夠1個鐘又醒，簡直惡夢⋯之後就去搵Catherine 幫忙喇。 Sleeping training day 1阿囡已經唔洗抱自己瞓，以前完全低估左bb嘅適應能力，雖然阿囡係有夜醒，不過自己嗌下又瞓返，但到依家我都唔知佢有無夜晩醒嚕，因為夜晚佢就算自己醒左都唔會嘈，自己會再瞓，唔洗人哄，做阿媽嘅終於可以一教瞓天光🥰

👍🏻🥳Thank you Dolce Sleepers❤️ Catherine 提供非常專業同貼心既睡眠建議 會配合父母同bb日常生活習慣去編訂最合適既時間表 仲會密切跟進住bb既進度再作出調整 我係全職母乳媽媽 Bb 由細到大訓1.5-2個鐘就會喊醒 習慣左抱睡同奶睡 醒左唔識自己訓返 直到Bb 1歲開始重 成晚不斷抱黎抱去 有時仲要抱住訓 搞到我腰骨痛 自己成日好似無訓過覺咁 勁崩潰 問醫生 醫生話訓覺真係無得搞 bb大大下自己就會識訓 佢自己嘅小朋友都係咁 長輩就教 由佢喊 唔好理佢 喊到累就會訓 或者平時唔好比佢訓 搞到bb有咁累得咁累 就可以一覺訓天光... 以上既方法 ....我！都！做！唔！出 ！ 我係絕對唔會唔理Bb 同唔比佢訓😒 直到Catherine 幫我編訂睡眠時間表 配合埋睡眠環境同睡前儀式之後 bb好快已經識醒左自己訓返 仲介埋夜奶 😚 每日可以訓到13-14 個鐘 情緒都穩定好多 好感激有Catherine 既專業睡眠咨詢 爸爸媽媽從此有覺好訓之餘 仲有返自己既me time . Thank you so much 😘 👍🏻相信專業 誠意推薦 ❤️

我囡進行sleep training 時13個半月大，之前因為濕疹關係，所以暫時擱置，但確實sleep training 真係愈細開始愈快見效果。 波子係非常醒訓，每晚必定醒3~4次，有時仲會嚎哭，即使點哄佢都唔收聲，要餵奶先得，我屋企人話係嚇醒，叫我俾保嬰丹 珍珠末等，但食左又係一樣，個半年無論係波子或我同老公都係訓得好差，訓埋同一間房，即使唔同床，波子一喊，三個一齊醒。 波子一歲，未做咨詢前我都有d 1516係迷真係work, 但見到有媽媽既留言後，令我對Catherine 更加有信心，Catherine 編排一個時間表俾波子，頭一星期波子係訓教都未如理想，好多時都花一個小時先訓著，半夜間中都會醒兩三次，到第8,9 日，開始見成效，夜晚可以訓到6 個鐘，由出世到sleep training 前未試過訓超過3 個鐘，當時我好驚訝，因為波子終於做到啦，之後既日子愈來愈進步，三個都可以訓得舒服。 呢段時間，Catherine 俾左好多support 我，遇到問題都可以好快俾到指示我應該點做，作為新手媽媽， 每日遇到好多不同挑戰，真係無從入手，bb 喊， 第一個反應就係安撫，但原來過份安撫就變左依賴，點樣做到恰到好處就真係要搵專業人士既幫忙，唔好再聽老一輩講 日間唔好俾bb 訓太多， 夜晚就睡得好，我試過咁做，但對bb 一d 好處都冇，依然會夜醒，其實bb 都會有過度疲勞，但好多人都唔信，覺得成年人先會有。 波子習慣左新既時間表，而家訓得好， 吃得飽 ,玩得開心，仲戒左奶咀，我就有一整晚既me time 做返自己啦🥳🥳

做左媽咪先知原來好好訓覺都係一種能力，而培養這種能力需要天時地利人和。 BB四個半月開始做sleep training，當時奶睡飽睡好嚴重，無奈之下求助第一個sleeping consultant，跟方法BB大概半個月左右日夜都可以自行入睡，媽媽解放雙手，有返少少自由時間。但原來識得自行入睡唔代表革命成功，日頭小睡BB訓極都係半個鐘，夜晚經常訓到3，4點會叫或者喊下再訓返，所以其實整體睡眠質素未算理想，直到7個月都係咁，媽媽挫敗感好強，明明有跟方法但點解做極都唔啱，屋企人都覺得係我太過緊張，好無助... 無意中係Facebook見到Dolce Sleepers，個page好多information同case sharing，只係睇佢既post都已經學到好多野，令我覺得或者仲有人可以幫到我。雖然排唔到期做全面諮詢，但Catherine了解到我既需求之後安排左單次電話諮詢，幫我tailor-made左適合BB的作息表，教我用app睇清醒時間唔洗自己計到傻，仲安慰同鼓勵我已經做得好好，同埋要好好照顧自己，放鬆d會更加順利。跟住新時間表，BB第三日開始nap就越訓越長，同埋前所未有的醒左又訓返第二個睡眠週期，幾個月黎第一次訓超過1.5小時簡直係奇蹟！夜晚都幾乎一覺都天光，媽媽都訓好左。雖然係單次諮詢，估唔到Catherine都會積極跟進，我feel到佢係真心想幫我。 我諗可能我之前缺少的「人和」就係你😜 thank you so much!

I previously used service from Blissful Bubbies but it didn't work for us and our sleep schedule went back to point zero (quite expensive and commercial). Luckily, I learn about Catherine and she give me lot of advice. I'm looking forward to use her paid service soon 🙂

Catherine is very patient and her advice could cater the need of my family. I had read a few sleep training books but it couldn't answer certain scenarios and the sleep consultant could really help. My family could finally sleep through the night and we really appreciate the help from Catherine!

我的寶寶現在7個半月大，在4月大前都可連續睡到4-5 小時，但4個半月開始就每晚都1-2 小時醒來一次，要奶睡才可繼續睡眠，而且一定要睡大床，令我的睡眠質素超差，每晚都很害怕要走入哄睡的黑洞，每晚戰鬥到11、12點，身心疲累，但隔1個多小時又醒來⋯。經歷了3個多月的煎熬，終於找到dolce sleepers，在跟Catherine 正式開始咨詢前，她先提供了一個作息時間表，我用了兩個多星期令寶寶由11pm 調到7:45pm入睡；而且建立有規律的日間作息。在跟Catherine 開始咨詢的第一天，我寶寶就神奇地自行入睡了！而且還願意睡嬰兒床！ 兩星期的咨詢過去，我寶寶連日間小睡都可以自行入睡！而且連夜奶都戒掉了！我多了很多自由時間，可以去做運動、可以工作、又可以更好安排寶寶的加固食物。跟Catherine絕對是相逢恨晚，but it’s never too late! 如果你寶寶有睡覺的問題，又已經影響到你的作息，請盡快跟正視問題，令你和寶寶都可以有覺好瞓！last but not least，請相信你的寶寶都可以做到！放手，讓寶寶成長吧☺️ （附圖：睡了12小時的開心寶寶）

由細到大都有紀錄寶寶的睡眠時間，發覺寶寶一直都瞓得比較少。試過睇左啲書同網頁跟住做，但都好似效果不大，直至搵到Catherine 的page 後先覺得相逢恨晚。我覺得寶寶睡眠資訊真係每個媽媽都要認識！跟住Catherine 的建議同時間表，寶寶第一晚已經由每晚醒6-7次、要抱睡奶睡，到可以一口氣訓12小時，之後慢慢所有日間小睡都可以自己瞓 ，唔駛抱到手斷實在太感動。在學習的過程中，我認識到很原來很多睡眠環境的細節都很重要，而更重要的是要follow baby’s lead, 寶寶有能力自行入睡同埋有自己的生理時鐘，我哋只睡提供合適的時間環境便可，唔需要做extra嘢。 在選擇睡眠資詢時曾睇過幾個唔同的page, 很高興最後找了Catherine 做睡眠資詢，一來十分認同Catherine 的育兒理念，二來Catherine 細心和有耐性，會慢慢了解每個家庭的需要， 是一位很有心的睡眠資詢師。就算睇佢嘅免費文章已經獲益良多，十分推薦比每一位媽媽：） Catherine 加油，繼續推廣嬰幼兒睡眠資訊啊～💪🏻😊

我按着Catherine為我的雙胞胎女兒制定的時間表，依時讓她們作息，經過一段適應期，兩個女兒已習慣日間有固定的小睡時間，及晚上比以前早睡。她們不但比以前睡得多，也睡得較安穩，我和丈夫亦能更好地休息。此外，兩個女兒數月來增重不理想，由處於中間的那條生長曲線下滑至比底線還要低的位置。由於兩個女兒發育正常，人前活潑，兒科醫生只着我們不要太擔心。自從實行新時間表後，兩個女兒在增重方面亦有明顯改善，難怪人家說嬰兒要多睡覺才長肉。最後，我衷心感謝Catherine的幫助！

第一次做人父母乜都唔識，以為想仔仔瞓好d，見佢喊就埋身餵奶，一係就爸爸抱住佢瞓，搞到佢唔識自行入睡，又係大人床瞓，半夜唔識自己瞓返，佢每晚不停撞落我心口，搞到大家10個月都無覺好瞓。小睡又瞓得短，全日計瞓得好少！ 直到3星期前，因為我要由全職媽媽變做全職工作。預計到如果仔仔再係咁，我會死，所以急急揾catherine求救。catherine好好人，知我急，勁快就幫我編好bb時間表。我跟咗幾日，仔仔已經開始瞓多咗。之後catherine教我放佢落bb床自行入睡，第一晚雖然用比較長嘅時間先瞓到，不過總算係bb自己係床瞓到！catherine亦不斷幫我諗辦法點改進，第二晚開始仔仔就快咗好多就可以自己係bb床度瞓啦。從此，我就瞓得好咗，先有精神返工，依家仔仔只係象徵式er一聲就會自己瞓覺啦！真係好多謝catherine幫手！😘😍🤩

好多謝Catherine!!! 好彩認識到你，仔仔由大人同床，晚晚塞奶嘴，到而家講完goodnight關房門，可以自己係床上碌一陣就訓著，半夜自己識揾返奶嘴食！重點係喊好少就攪掂！我同老公而家多左好多free time同有覺好訓！多謝catherine不厭其煩咁提醒我，又同我adjust time table, 鼓勵我，令我願意放手，俾我知原來我仔係得嘅！完全五商業化！好感恩有你幫忙！

多謝Catherine, 其實真係成年無覺好訓。把心一橫諗住阿女1歲前試下sleep training，從來無諗過可以咁成功，唔使兩個禮拜阿女就可以自己訓天光仲訓到足足12個鐘，戒埋抱睡同奶睡，簡直難以置信。佢而家訓教唔使一定要搵我，父女關係又好埋，媽媽仲可以襯佢咁早訓著出去約朋友食飯唔使趕返屋企，重獲新生咁😭多謝你一直咁support 我，又分享其他育兒心得，學到好多野！

Thank you Catherine for helping us on adjusting our baby boy’s sleeping routine. He used to wake up 3-5 times a night screaming or crying and it would take a long time for us to put him to bed. After two weeks of adjustment and continuous guidance from Catherine, he could fall asleep by himself and sleep full 12 hours at night, his temper has been better too! Highly recommend her service!

好感謝Catherine既建議同提供比仔仔既作息時間,記得我差唔多有一整年冇訓過好覺，精神好差情緒好差，相信好多媽媽都有一樣既情況。 以前以為比bb夜訓第二日遲啲醒對家人最好，但係其實早訓有番夫婦相處、食飯時間更好。family time可在爸爸上班及爸爸tum訓覺，星期六日等時間去彌補。 衷心希望Catherine能夠幫助更多爸媽，推廣寶寶健康睡眠，照顧小朋友真係唔係頂硬上先係好爸媽，科學訓練係有效的，對成家人健康也好。 祝你對孖仔健康快樂成長，感謝。