5個貼士令孩子一覺睡到天光

免費送你

 《 5個貼士令孩子一覺睡天光 》

安睡小冊子

減低睡前掙扎,及夜醒次數的秘訣

免費送你

5個貼士
令孩子一覺睡天光

安睡小冊子

減低睡前掙扎,及夜醒次數的秘訣

  戒抱睡奶睡  的10個事前準備


Written by 睡眠顧問 Catherine 


希望BB能夠瞓得好,能夠一覺瞓到天光,好多人第一時間就會諗到,要做睡眠訓練...

坊間相傳好多「 方法」 ,上網亦好容易搵到。  

問題係,單單做睡眠訓練,唔單止唔能夠解決睡眠問題,甚至可能令成家人更迷茫,更痛苦…  

因為,好多情況根本係未ready(包括大人同BB),勉強去做,只會吃力不討好。

睡眠訓練,其實係改變入睡方式嘅方法。

希望BB能夠順利入睡,唔係掉佢落床咁簡單㗎!  

有啲乜嘢要預先做好?睇睇下面呢10點啦!


提高睡眠訓練成功率的10個事前準備

1. 準備一張嬰兒床

為避免BB碌落床,必須要有一張四邊圍住嘅BB床。BB已經識企嘅話亦要將床褥較到最低。記得床入面亦唔能夠有任軟身物品,或BB可能用嚟踩住擒出嚟嘅物品。

2. 安裝不透光窗簾

避免房外光線會抑制睡眠荷爾蒙嘅分泌,影響入睡。同時亦可以減低BB因為日出令睡房光線轉變而早醒。

3. 考慮使用白噪音

如果房外成日會有突如其來嘅聲音,影響BB入睡,用白噪音遮蓋住,能減少噪音對BB嘅影響。

4. 記低最少2個星期嘅睡眠及餵奶加固情況

穩定作息時間,確保BB日間小睡穩定,冇瞓得太多或太少,夜間睡眠至唔會受到影響。

5. 掌握好理想嘅就寢時間

如果BB未夠攰會唔肯瞓/瞓唔著,太攰又會因為壓力荷爾蒙影響而想瞓都瞓唔著,兩個情況都會增加入睡時嘅掙扎。

6. 就寢時間最好安排喺6至8pm之間(夜間睡眠要有10.5-12小時)

BB嘅天然生理時鐘都係偏早嘅,太夜瞓未能夠配合生理時間,甚至BB已經攰得滯,都會導致入睡困難嘅問題。如果雙職父母未能夠畀BB早啲瞓,咁就更加需要一個度身訂造嘅時間表,令BB日頭瞓多啲。

7. 制定一個幫到BB放鬆嘅睡前儀式

幫BB做好瞓覺嘅心理準備,令佢心情保持愉快輕鬆,甚至令佢鍾意瞓覺,咁佢就自然合好多啦!

8. 如果BB有用奶咀,要決定點處理

要決定戒,定係教BB自己執(一般喺7-8個月大時已經可以做到)。因為如果BB夜醒仍然要你幫佢塞奶咀,咁識得自行入睡都冇用。

9. 確保所有屋企人都同意,並且做好心理準備(包括你自己)

呢點非常重要,BB未習慣新嘅入睡方式好可能會大喊,如果屋企人唔贊成做法,就算冇出手干預,淨係發表意見都會令執行睡眠訓練嘅媽咪爹哋感受到更大壓力。

10. 揀定合適嘅日子開始

保持一致係睡眠訓練要得到成功嘅重點,如果大人太攰,或第二日要返工,都會增加放棄嘅可能性。


希望BB可以快啲一覺瞓天光?

歡迎免費索取《5個貼士,令孩子一覺睡到天光》

一定要做睡眠訓練,至能夠瞓得好?

非也!

要解決睡眠問題,唔能夠單獨睇入睡方式。 

呢本安睡小冊子,會話你知最重要嘅5個安睡因素,並提供可以立即執行嘅貼士,即時改善BB嘅睡眠質素,減少睡前掙扎,甚至令BB鍾意睡覺!

 呢本安睡小冊子,會解答你以下問題:  
✅ 點解BB夜晚成日瞓得唔好,夜醒大喊?
✅ 幾時BB至可以戒夜奶,一覺瞓到天光?
✅ BB似乎怕咗瞓覺,點可以增加安全感?
✅ BB成日早醒,究竟點可以令佢瞓晏啲?

請輸入電郵地址,我哋會將安睡小冊子寄到你嘅電子郵箱。放心,你的個人資料絕對保密,我們唔會交畀第三方。

點撃以上按鈕,表明你同意收取Dolce Sleepers的資訊及宣傳電郵。

Hello,我係孖仔媽媽 Catherine
全港首位本地睡眠顧問  •  RIE育兒法專業課程 及 PET父母效能訓練課程畢業生  

作為全香港第一位本地嬰幼兒睡眠顧問,我一直致力推廣健康睡眠,並結合RIE育兒法的教養理念,協助香港父母及孩子能夠有覺好瞓,令親子關係更融洽。

資歷:
Institute of Sensitive Sleep 認證睡眠顧問
• 專業睡眠顧問協會 (APSC) 專業會員
• 國際嬰幼兒睡眠顧問協會 (IACSC) 會員
TeamStork「產後私人助理」團隊培訓導師
• 開設全港第一個嬰幼兒資訊專頁「Dolce Sleepers嬰幼兒睡眠資訊」