有關清醒時間的5大誤解及相關睡眠建議

Catherine Author

上網搵有關嬰幼兒睡眠嘅資料，一定會接觸到「清醒時間」呢個term。

但其實，好多人對清醒時間存有唔少誤解。以下同大家講講，究竟應該點樣運用「清醒時間」呢個概念先至正確。

有關清醒時間的5大誤解

1）「清醒時間」係指由BB瞓醒張開眼，去到合埋眼之間，能支撐到嘅活動時間長度。所以如果等到夠鐘至開始氹BB瞓覺，就已經遲咗。

建議：記得要喺清醒時間完結前，預留最少15分鐘，畀BB慢慢入睡。

2）清醒時間其實有個範圍，例如6個月大BB嘅「清醒時間」係2-2.5小時。一段嚟講，上晝嘅清醒時間較短，黃昏時段嘅清醒時間較長。

建議：唔好全日都淨係單單跟住一個清醒時間，否則好可能會因為BB疲勞過度或疲勞度不足，而出現入睡掙扎。

3）「清醒時間」除咗會隨住年紀增長而延長之外，其實亦會受當日嘅情況所影響。BB上一覺嘅瞓得過短，或者不斷醒，同埋清醒時嘅環境及活動有太大刺激的話，都會令BB早咗攰（i.e. 撐唔到咁長清醒時間）。

建議：為BB營造一個平靜可預測嘅環境，以及畀BB有自由活動時間，能夠自己玩而唔係不斷有大人陪睡，會容易啲掌握得到合適嘅清醒時間。

4）唔好見BB瞓唔到，就即刻拉長清醒時間！BB氹極都瞓唔著，唔係因為BB嘅「清醒時間」未夠長，而係因為當過咗BB當時能支撐嘅「清醒時間」，攰得滯出現疲勞過度嘅情況，大腦會分泌壓力荷爾蒙（cortisol），令BB好攰都瞓唔著，或者小朋友進入亢奮狀況，大叫笑跑嚟跑去。

建議：BB或小朋友抗拒瞓覺，唔好諗住係佢未夠攰唔想瞓。要做嘅可能其實係相反，需要縮短返清醒時間。

5）如果BB係因為「清醒時間」太短，而出現夜醒早醒嘅情況，應該容易處理好多。因為一般嚟講，瞓得夠而夜醒的話，BB情緒應該係相對平靜，甚至會喺床自己玩。

建議：如果BB半夜醒咗喺度自己玩冇大喊，可以睇定啲先，唔好諗住即刻氹返佢瞓。瞓覺冇得迫，BB未準備好瞓返，你點氹都冇用。

相關資訊：「點解跟住清醒時間都係瞓唔著？」

各月齡階段嘅建議清醒時間

清醒時間嘅影響，到幾大先至會無咁明顯？

🤔 有媽咪問：過左清醒時間，會令BB較難入睡或者瞓得唔好，呢樣嘢其實到幾大先至會無咁明顯？

一般嚟講，去到2歲左右，日間小睡會自然延長，就算過咗清醒時間，都一樣可以瞓到2個鐘或更長。不過，夜晚就仍然會因為攰得滯，或者午睡時間太接近就寢時間而出現夜醒早醒（係呀，清醒時間太短都一樣有問題㗎！）

去到3歲，有啲小朋友已經唔再需要瞓晏覺，清醒時間對睡眠嘅影響就會相應下降。注意我講嘅只係對睡眠嘅影響，3歲嘅小朋友仍然要瞓11-12小時至足夠。

如果長期睡眠不足，對小朋友嘅情緒、抵抗力、甚至學習能力、專注力同記憶力都會有負面影響。上幾多playgroup都補唔返...

唔好死跟啲數字

最後，記住一點：所有數字都只係用嚟參考。

你有冇睇過《倚天屠龍記》呢？

喺書入面，張三丰教張無忌太極嘅口訣，叫佢記低晒每一招每一式之後，再忘記晒佢。目的係要佢能夠融匯貫通，視乎情況而出招，至能夠發揮出太極真正嘅威力。

其實，嬰幼兒睡眠都一樣。

初次接觸健康睡眠，最容易理解嘅就係一堆數字...

清醒時間、小睡次數、小睡長度、夜晚幾點要瞓、要瞓幾耐等等... 差不多個個睡眠顧問都會講呢啲嘢。

呢堆數字，當然有佢嘅存在價值。只不過，如果你試圖跟住呢堆數字，希望令到你BB能夠跟到個時間表足一足，其實係往往會令你好氣餒...

因為，BB唔係機械人。

唔係你砌咗條方程式出嚟，就一定可以瞓得好。

所以，如果有睡眠顧問畀個時間表你，叫你無論如何都要跟到足，你應該懷疑呢位所謂嘅睡眠顧問係咪真係有心去幫你。甚至，佢其實係咪對嬰幼兒睡眠有深入認識...

一個真正瞭解嬰幼兒睡眠嘅顧問，應該會識得因應BB嘅情況，去提供一個能夠同時配合BB同大人嘅時間表（二寶家庭更加需要特別編排個人化時間表）。然後，亦會一直跟進，話你知點樣再去做微調，同埋會畀到一個有根據嘅原因，去解釋點解要咁做。

而唔係見BB瞓唔到，就盲目咁去不斷拉長清醒時間，同埋話要畀BB放多啲電，攰啲就會瞓得到...

係呀，BB攰到一個點係會瞓著，但係絕對唔係健康嘅做法囉！咁嘅建議，同媽媽谷啲人叫你日頭唔好畀BB瞓，夜晚晏啲落床有乜嘢分別呢？

想BB瞓得好，必須要識得點樣去視乎情況而執生。

最好嘅做法，當然係媽咪爹哋自己去學，點樣處理唔同嘅情況。畢竟，冇人可以24小時on call去回答你嘅問題。

而且，最瞭解你BB嘅，一定係每日湊住佢嗰個人。

呢個就係我整［睡眠調整全面睇］嘅原因，希望幫你「成為你BB嘅睡眠專家」！

在職媽媽Ling：

「真係好好彩遇到Catherine, 你真係幫咗我地好多！

我地係雙職家長，但BB由出世已經訓好少。明明所有野都做好曬，但佢入睡前要仍然係要喊好耐... 明明抱住訓著左一放床又即刻，令我地長期睡眠不足，心力交瘁

本來以為大啲佢會自然調整個生理時鐘，點知到左8,9個月大，佢仍然都仲係訓得好少，仲長期要抱睡。雖然入睡時無再喊，但半夜會醒好多次，我地同佢都仲係無覺好訓...

呢個時候，喺朋友介紹下認識到Catherine，我就本住試一試既心態報咗個課程，好用心咁睇曬所有notes同埋video之後，我開始幫BB調節佢既清醒同睡眠時間，做好睡前儀式。

神奇嘅事情就發生了！

喺我連電話諮詢都未做嘅情況下，已經係一星期裡面，成功咁改善到佢既睡眠時長同質素！雖然有時都仲係要奶睡，但抱睡情況已經無再出現，BB基本上可以瞓過夜！

直到依家BB歲半，基本上完全可以由我地喺旁邊陪住佢自行入睡，入房半個鐘內會訓得著。

夜醒問題已經無再出現，我地都鬆一口氣！真係好多謝Catherine嘅幫助！

之後面對唔同既睡眠關卡，都一定會用你嘅notes繼續過關 」

［睡眠調整全面睇］

全港首創，為你提供最全面及長期的支援，並能視乎你和孩子的情況制定調整計劃，彈性極高！

Dolce Sleepers 的獨門心法，已獲數百個家庭親身證實，能有效逐步改善孩子的睡眠問題，並令孩子在最小掙扎下，達到自行入睡的目標。

課程詳情及報名

Categories: 甜睡寶寶