大時大節，點樣減少對BB睡眠嘅影響？

孖仔媽媽 Catherine Author

每逢大時大節，好多媽咪爹哋都會遇到一個問題...

放假想帶BB出街玩，又或者夜晚約咗親友食飯，好驚影響到瞓覺，點樣平衡好呢? BB睡眠當然重要，不過大人都要生活，唔可能日日困喺屋企。

Compromise, not Sacrifice

要出街嘅，可以揀平時瞓得比較短嗰覺出街（多數係朝早嗰覺），咁之後仲有得補返。可以嘅話，盡量避免喺平時BB瞓得最長嗰次小睡出街。

當BB滿6個月之後，每日最好要有一次超過1小時嘅小睡，至能夠減低疲勞度。而呢覺必須要喺床，睡眠質素至會好。

如果係去人屋企嘅，睇吓有冇空間可以帶張摺疊式嬰兒網床畀BB瞓，咁會係最理想嘅解決方法。盡量營造返個睡眠環境，例如要夠黑同有白噪音，同埋最好做返個日間小睡儀式。

如果只能夠喺BB車瞓，而你BB唔習慣喺呢個環境入睡，咁你唯有不斷推住架車，用搖晃嘅感覺令佢入睡。通常去到最大清醒時間都會瞓到嘅，但睡眠質素唔會太理想，而且你都唔好期望會可以瞓到多過一個睡眠周期（多數30分鐘就會醒）

如何減低節日對睡眠的影響

咁日頭瞓得唔好，點做至能夠盡量避免令夜晚瞓得差咗呢？🤔

如果你囝囝囡囡一向瞓得唔錯，冇積累睡眠債嘅話，一日半日瞓少咗，只要夜晚早啲瞓補返，未必會有好大影響。

就算早咗瞓，亦唔代表就會早啲醒㗎！有穩定作息時間BB，好多時其實都會照瞓到平時起身時間。

但如果夜晚唔能夠早啲瞓，或清醒時間都係太長，係咁就要睇埋BB平時入睡對大人有幾大依賴嘞...

本來已經瞓得唔好嘅BB，加上半夜醒時要大人幫佢至瞓得返嘅話，當佢攰得滯，夜醒次數會更多，而且亦可能會更難至瞓得返。因為，當身體疲勞過度時，大腦會分泌一種壓力荷爾蒙皮質醇（Cortisol），令人保持清醒繼續撐落去。

所以，一旦錯過咗理想嘅入睡時間，BB入睡時掙扎會更大（想瞓都瞓唔著），夜醒時亦會因為荷爾蒙影響，醒咗瞓唔返，好辛苦而大喊（好似大人瞓唔著會眼光光等天光咁），更加可能會天未光就早醒（睡眠質素差，睡眠時數會更短）。

約咗親友食晚飯又點算好？

首先，最好晏覺瞓長啲，如果平時係叫醒嘅，咁可以由得佢盡瞓，咁夜晚或者可以頂耐少少。

當然，BB幾點起身比較難控制到，所以可以嘅話，帶張網床或BB車去畀佢照返平時嘅時間瞓就最好。記得做返全套睡前儀式，換定睡衣，睡眠環境盡黑，用開白噪音就帶埋去，有需要可以推BB車用搖晃嘅感覺幫佢入睡。

之後搭車返屋企時好易會瞓咗，呢個時候要有咁輕手得咁輕手，返到屋企仲瞓緊千祈唔好叫醒BB嘞，直接放床就得，整醒佢你會好大鑊！

當然，去咗街唔沖涼，好多媽咪未必過到呢個心理關口...

可以問吓借個浴室幫BB沖完至走，或者走前抹乾淨對手同換定衫，甚至幫BB戴埋帽。

（呢個post嘅留言有好多媽媽分享佢哋嘅做法，好值得參考）

最後，如果你BB本身已經瞓得麻麻哋，好怕嚟緊假期會瞓得更差，出街玩都冇精神嘅話，趁仲有時間的話，好諗諗有乜嘢需要調整嘞！

大時大節，作息受影響在所難免。最重要係緊守底線，做返一向以嚟嘅處理方式，同埋第二日就跟返足個時間表，唔好諗住琴晚瞓少咗，今日就畀佢瞓晏啲，否則生理時鐘亂晒會更大鑊...

不過講到尾，做定心理準備就好，唔好畀自己太大壓力。有可能會夜醒，但一向係自己瞓嘅話，畀返空間佢自己瞓返就得。一向瞓得夠嘅話，一日半日唔跟時間表影響不大嘅，放鬆啲好好享受假期啦！

🎄🎄🎄

【睡眠調整全面睇】
最具彈性，並設有長期支援的網上課程

課程特別為忙碌的香港父母而設，大部分影片只有5-10分鐘，並設有action points助你立即開始著手作出調整，２個星期就能完成課程（可縮短為１星期），令孩子的睡眠問題得到明顯改善。

課程特色：
😌 逐步話你知點樣調整各項安睡因素，移除令 BB 瞓得唔好嘅障礙，令 BB 慢慢鍾意瞓覺
😁 為不同家庭嘅需要而提供彈性支援，擺脫 2-4 星期嘅諮詢期限制，直到 BB 3歲！
🥰 配合RIE育兒法「尊重與信任」嘅育兒理念，以less is more為宗旨，希望令你能夠湊得輕鬆啲，同 BB 嘅關係亦緊密啲

計劃包括：
🌟「睡眠調整全面睇」網上課程
🌟 4個bonus webinar（包括專為雙職父母而設嘅內容）
🌟 Zoom live 歡迎會，提供即時睡眠問題分析，正向睡眠顧問Catherine會親自回答所有提問
🌟 學員專屬群組（已達600人!），除咗Catherine會回覆外，你亦能夠同其他父母一起交流及討論，分享經驗及心得
🌟 如有需要，可隨時以學員優惠價預約一對一電話諮詢（$880）


Dolce Sleepers 的獨門心法，已獲數百個家庭親身證實，能有效逐步改善孩子的睡眠問題，並令孩子在最小掙扎下，達到自行入睡的目標。

費用：$1280
*同時預約首次諮詢，只須$800（總費用$2080）

CLICK ➡️ 查閱「睡眠調整全面睇」課程詳情

*BB未滿6個月的話，可以參加［甜睡寶寶計劃］，免費獲贈0-5個月［健康睡眠工作坊］

Categories: : 甜睡寶寶