編排BB作息時間表的注意事項

好多注重健康睡眠嘅媽咪爹哋，都會好想能夠制定時間表，畀BB好好休息。

的確，穩定嘅作息時間，唔單止能夠令BB瞓得好啲，而且大人亦比較容易去安排活動（講緊幾時買餸煮飯做家務咋 ！）更理想嘅係定實埋餵奶時間，咁每日有晒規律，執行上容易啲，唔怕會亂晒。

之不過，現實嘅情況係，啱啱出世嘅BB，唔可能完全跟到一個定時瞓覺定時食奶嘅時間表。所以，一般嚟講，建議頭6個月跟清醒時間安排作息就得，唔需要跟時間表。

詳細做法可參加專為0-5個月BB而設嘅《健康睡眠工作坊》。

如果BB只係瞓咗好短時間就醒咗，可以試吓氹一陣，瞓唔返嘅話，調整下一覺時間就得。到咗5個幾月大，如果之前一直有依照BB嘅生理時鐘去安排日夜作息，BB冇欠落太多睡眠債嘅話，就會見到BB慢慢發展出佢嘅睡眠模式。之後去到6個月就可以編定時間表，幫佢穩定作息嘞！

但要記住，唔好諗住定咗個時間表，就要「令」BB跟到呀！你要做嘅，應該係視乎BB嘅情況，去逐步調整時間表，搵出最適合當時BB需要嘅作息時間。

除此以外，因為睡眠需要不斷下降，作息時間表會需要不斷調整，尤其係頭1年。所以，學識點樣去調整時間表，非常重要。

但有一個好常見嘅做法，成日會令到個時間表run唔到，就係3/4小時餵奶cycle呢個做法嘞…

唔駛限住每3/4個鐘餵奶

好多時，BB氹極都唔瞓嘅其中一個常見原因，照顧者未能將BB嘅睡眠需要放喺首位。唔係指成日出街唔畀BB瞓覺，而係將其他照顧BB嘅「任務」睇得比瞓覺重要，於是錯過晒理想嘅入睡時間。

準時入睡重要過準時餵奶，早或遲30分鐘餵奶唔係問題，亦唔建議將「每4個鐘餵一次奶」視為里程碑或法規。日頭餵多啲夜晚就食少啲，早啲可以停夜奶。

我嘅做法係以睡眠時間為重，喺瞓前醒後餵奶，相隔2.5-4小時都可以（當然都要考慮返BB嘅習慣）。所以，千祈唔好見未夠鐘，就唔餵奶直接氹BB瞓; 或者要等到夠鐘，餵完奶至氹佢瞓呀！至於睡前奶，就應該喺目標入睡時間前30-45分鐘餵，食唔晒就算，唔好迫或不斷試好多次，攪到拖遲晒就寢時間呀！（有媽咪話會喺1-2個鐘內試4次 ，枝奶擺咁耐其實會變味㗎，梗係唔肯飲啦...）

請相信，BB天生就係一部卡路里計算器，佢知道自己要食幾多奶㗎！但如果成日被迫食奶（無論係被強塞枝奶入口、被un住un住餵，甚至用分散注意力嘅方式），BB會對枝奶形成負面關聯，攪到厭奶...

好多媽咪話BB厭奶，最誇張係由2個月厭到9個月，完全唔係正常嘅情況。其實，BB並非厭奶，而係對於食奶呢件事形式咗負面關聯，於是見到枝奶就炆憎反感。結果，BB淨係瞓著咗至肯食奶，形成極之壞嘅飲食及睡眠習慣...

另一個經常令BB瞓得唔好嘅常見做法，係每晚定時瞓覺。

「吓？定時瞓覺都唔啱？」

每晚定時定候瞓, 可能會導致夜醒早醒！

2020年年頭，我開過一個網上講座。之後有媽咪同我講，只係提早咗1個鐘落床瞓覺，佢囝囝就由一晚醒5-6次，變成只係醒1-2次。

係呀，好多小朋友出現睡眠問題，主要原因就係夜晚太遲瞓覺，攰得滯所以瞓得唔好。2歲前，就寢時間應該喺6:30-8點之間。3歲前都最遲9點就好。因為BB必須要已經進入咗深層睡眠，大腦至會分泌生長激素，而晚上9點至凌晨1點係激素嘅分泌高峰期，所以8點前瞓至可以完全benefit得到。有人話，瞓得多至生得高就係咁解囉 （仲有好多其他好處，例如BB嘅情緒會較穩定，專注力及學習能力較高等等）

咁問題嚟嘞，係咪只要定咗晚晚8點瞓，就可以瞓得好唔會再夜晚驚醒大喊呢？唔係囉...

想囝囝囡囡瞓得好，必須避免佢哋出現疲勞過度嘅情況。而單憑睇佢哋有冇捽眼打喊露，並唔足夠，甚至往往已經太遲。所以，瞭解你囝囝囡囡嘅生理時鐘，以及注意合適嘅清醒時間，非常重要！

生理時鐘，就係每晚到時到候，BB/小朋友會開始攰有睡意嘅時間（食晚飯時開始扭計，即係佢其實已經見攰要瞓嘞！）而清醒時間嘅意思，係指由BB/小朋友瞓醒開眼，去到合埋眼瞓著嘅時間。

要改善夜醒，就寢時間要能夠配合生理時鐘，而且同最後一次小睡之間有恰當嘅距離。所以，唔係話定實晚晚同一個時間瞓，就一定會瞓得好㗎！

想知道點樣掌握最佳入睡時機，即刻登記參加《免費睡眠工作坊》，就可以得到《0-5歲睡眠發展階段圖》，一眼睇清BB嘅睡眠需要，令BB瞓得好瞓得健康！

點解跟時間表唔work?

有媽咪問：「我試過跟網上搵到嘅建議作息時間表，安排幾時畀BB瞓覺同食奶，但係都唔work，點解呢？」

想BB瞓得好，有好多因素需要考慮。搵出最合適你BB嘅作息時間，係非常重要嘅一點。

所以，喺《睡眠調整全面睇》網上課程，我會教大家點樣去按照作息記錄，初步定一個框架，然後再講解點樣去視乎小睡情況，靈活處理之後嘅作息時間。重點係避免疲勞過度，因為呢個係睡眠大忌。

如果只係盲目去跟住個時間表畀BB瞓覺，當BB瞓唔到預定嘅長度，下一覺又跟住個鐘嘅時間畀佢瞓，而唔係視乎BB嘅實際睡眠需要去處理，咁就好易會令BB攰得滯，出現入睡困難（即係大喊氹極瞓唔到），同埋「30分鐘魔咒」嘞！

另外，喺行咗幾日個時間表之後，可能你會發現，同BB嘅實際情況係兩回事。 呢個係好可能會出現嘅情況，未必一定係你做得唔啱呀！因為，喺制定合適BB需要嘅時間表時，成件事係需要trial and error嘅。

之所以第二個BB用緊嘅時間表，未必會啱你囝囝囡囡用，就係咁解。亦係點解我喺專頁，從來唔會就咁post個建議時間表嘅原因。

除此之外，喺BB出世後第一年，好多時個時間表run咗幾日，似乎好順利咁，但會突然唔再work。咁係因為，時間表其實需要不斷作出調整，務求配合到BB當時嘅睡眠需要。

記住，所有數字都只可以參考，BB唔係機械人，唔會有一個時間表，係所有BB都啱用㗎！

點樣可以令BB夜晚瞓到12個鐘呢？

有媽媽問：「點樣可以令BB夜晚瞓到12個鐘呢？」

答：唔需要盲目追求12個鐘呀！最重要嘅，其實係日夜平衡

日頭瞓得足嘅話，夜晚11小時都好夠；而喺轉覺期之前或歲半後午睡夠長，夜晚10-10.5小時都ok。重點係，BB／小朋友平日情緒大致平靜愉快，唔會好易喊或發脾氣，成日要痴住大人唔放，咁應該都唔係瞓得太差。當然，呢點同性格及育兒方式都有關係，所以要以BB／小朋友自己嘅情況去比較。

但夜晚瞓少過10小時就要留意嘞！應該係有啲嘢阻住令BB瞓得唔好...

可能係夜晚太夜瞓，又或者朝早間房因日出而有光線改變（通常係6點幾一定醒嗰啲）你會見好多BB夜晚都只係瞓到9-10小時，好似係「正常」，但其實正正因為香港絕大部分BB都係長夠唔夠瞓，長期只叉到7成電...

如果你BB／小朋友成日一上車就瞓著，或者間唔中玩緊或食緊飯時會突然斷電 瞓著咗，呢個其實係長期睡眠不足嘅明顯跡象。

睡眠不足，對BB嘅大腦及身體發展都有負面影響。瞓得唔好亦會影響胃口，心情唔好亦會更固執，抗拒新事物／食物。甚至，影響到小朋友嘅記憶力、專注力，以學習能力...

睡眠充足，係一切嘅基本。

今日跟唔到個時間表，點算好呢...

好多時同啲媽咪爹哋傾佢哋囝囝囡囡嘅睡眠問題，都會發現佢哋好緊張BB每日瞓得夠唔夠， 一早制定時間表，如果某日小睡瞓少咗，就會好驚，唔知點算好。

我明，我都曾經係咁...

見其中一個仔瞓唔著或早醒，於是掉佢上車去遊車河，希望佢可以恰一恰，好過冇（我有孖仔，如果一個瞓咗一個冇瞓，作息唔同步我會亂晒蟹… ）我知道咁樣落去唔掂，於是慢慢摸索到處理方法，最後終於能夠睇開咗 (啲)...

而家，當我收到呢個情況嘅 ，我會話：

1) 深呼叫，保持冷靜。記住，BB唔係機械人，間唔時瞓得唔好係正常嘅，只要唔係連續幾日出現問題，咁其實唔駛擔心㗎！

2) Nap 1瞓少咗就提早Nap 2，日頭瞓少咗就夜晚早啲瞓補返，唔駛咁緊張呀！

3) 如果夜晚唔能夠早啲瞓，或清醒時間都係太長，BB可能會夜醒多啲，亦可能會早醒。預定諗定點樣處理，有需要嘅話自己都早啲瞓。做好心理準備，就可以放鬆啲啦！

4) 當BB攰得滯，反而會更難入睡。平時可以床上入睡嘅，會大喊扭抱。能夠自行入睡嘅，會大叫唔准你走... 遇到呢啲情況，可以畀多啲安撫，但必須要避免做出你之後會後悔嘅回應...

5) 最後，記住，每一日都係一個restart。就算前一晚瞓得唔好，第二日都唔好諗住畀BB瞓晏啲補返呀！否則只會亂上加亂，繼續瞓得唔好㗎咋！

瞓覺係要放鬆㗎！你放鬆BB至放鬆到！

長輩幫手湊BB, 跟唔到時間表，又可以點做？

好多香港家庭都受到一個限制，令BB嘅作息時間未如理想 -- 雙職父母。

日頭要交畀工人姐姐或長輩照顧，自然好難提出太多要求。就算想定時間表，但佢哋唔跟嘅話都冇用… 媽咪爹哋放工返到屋企已經6-7點，自然亦比較難畀BB早啲瞓。更棘手嘅係，放工後仲要喺長輩屋企食完飯至返屋企，往往已經過晒理想就寢時間

可以點做呢？係咪就冇得攪呢？

唔係㗎！

上面都有提到，BB唔係機械人，加上每個家庭嘅情況都唔同，所以你睇第二個BB嘅時間表，甚至係其他睡眠顧問畀嘅「標準」 嘅時間表例子，都未必啱用。

對於日間小睡唔穩定嘅問題，你可以做嘅係請工人姐姐或長輩最少話你知，最後一覺瞓咗大概幾耐，幾點醒。知道BB幾點醒，你就已經能夠知道應該點樣去調整就寢時間，避免BB疲勞過度，呢個係改善夜醒最最最重要嘅一點。

而如果夜晚冇辦法可以早啲瞓嘅話，又可以點做呢？你可以調整日夜睡眠時數比例呀！

雖然一般嚟講，建議夜間睡眠有11-12小時，但如果真係預唔到嘅話，咁就盡量畀BB日頭瞓多啲。同樣，都係為咗避免夜晚出現疲勞過度嘅問題（呢個係睡眠大忌嚟，切記切記！）

咁實際上即係應該點做調整呢？

如何編排作息時間表？

《睡眠調整全面睇》網上課程有一個專為雙職父母而設嘅bonus webinar，話你知當就寢時間受限制嘅話，可以點樣去做去安排。加上課程內講解制定及調整作息時間表嘅做法，咁就可以搵出能同時配合BB睡眠需要，以及大人活動時間嘅作息安排啦！

有需要的話，你亦可以隨時以學員優惠價預約電話諮詢，正向睡眠顧問Catherine會針對BB同你家庭嘅情況，提供個人化建議。

無論你係因為雙職父母家庭，無辦法幫BB安排最理想嘅作息時間; 或者係因為有其他小朋友要照顧，唔知點樣同時處理嘅話，Catherine都可以畀到意見你，點樣達到可能範圍內嘅最理想情況。

「睡眠調整全面睇」 設有長期支援的網上課程

睡眠科學＋嬰幼兒心理學＋RIE育兒法

每日10-20分鐘，兩星期內學會如何 :

✔️ 恰當處理夜醒

視乎孩子的情況，選擇合適的回應方式，令孩子盡快重新入睡。.

✔️ 制定作息時間表

根據孩子的睡眠需要，.以及家庭的活動模式，作出個人化安排。

✔️ 減少孩子哭泣

瞭解孩子的心理需要，令孩子能愉快地安心入睡，並增進親子關係。

✔️ 停止抱睡奶睡

以顧及孩子安全感的方式，逐步改變入睡方式，令孩子能夠自行入睡。

12條教學影片，可隨時無限次重溫！

課程亦設有學員專屬群組，解答你嘅問題。

每個月仲會喺Zoom開新學員歡迎會，正向睡眠顧問Catherine會親自同你傾BB嘅情況，提供調整建議。

CLICK呢度瀏覽課程詳情及報名

唔肯定課程係咪適合你？歡迎搵我傾傾！

Email: catherine@dolcesleepers.com

FB Messenger: m.me/dolcesleepers

Categories: : 甜睡寶寶